Мэдээ, Мэдээлэл

Энэ жилийн хүүхдийн хөдөлмөрийн эсрэг дэлхийн өдрийг “Охидод боломж олгоё - Хүүхдийн хөдөлмөрийг устгая!” уриан дор тэмдэглэх гэж байна. Мөн Хүүхдийн хөдөлмөрийн тэвчишгүй хэлбэрийн тухай ОУХБ-ын 182 дугаар конвенц батлагдсаны 10 жилийн ой тохиож байгаагаараа онцлог болох гэж байна.

 

Иймээс 2009 оны хүүхдийн хөдөлмөрийн эсрэг дэлхийн өдрийг дараах зорилтуудын хүрээнд тэмдэглэхээр төлөвлөж байна. Үүнд:

•    Хүүхдийн хөдөлмөрийн учир шалтгааныг арилгахад чиглэсэн бодлогын шийдлийг хэлэлцэж тодорхойлох

•    Насанд хүрээгүй хүн ажиллуулахыг хориглосон ажлын байрны жагсаалтыг хэрэгжүүлэх

•    Хүүхдийн хөдөлмөрийн тэвчишгүй хэлбэрүүдийг устгах, хөдөлмөр эрхлэгч охидын онцгой нөхцөл байдалд анхаарал хандуулах

•    ОУХБ-ын 182 дугаар конвенцийн талаар олон нийт, хүүхэд, эцэг эх, бодлого боловсруулагч, шийдвэр гаргагч, хэрэгжүүлэгчдийн ойлголтыг нэмэгдүүлэх гэх зэрэг болно.

 

Тэгш Мөр Төв ТББ нь 2009 оны 6-р сарын 12 нд болох хүүхдийн хөдөлмөрийн эсрэг дэлхийн өдрийг угтан доорхи үйл ажиллагаануудыг зохион байгуулах гэж байна.

•    6-р сарын 10 ны өдөр 12 цагаас БГД-ийн Нийгмийн Хөгжлийн Хэлтэстэй хамтран Хархорин, Барс захууд дээр хөдөлмөр эрхэлдэг хүүхдүүдтэй уулзалт зохион байгуулна.Уг уулзалтын үеэр Тэгш Мөр Төв ТББ нь үйл ажиллагааныхаа талаар хөдөлмөр эрхэлдэг хүүхдүүдэд мэдээлэл өгөх бөгөөд мөн тэдэнд зориулсан үйлчилгээг санал болгоно. БГД-ийн НХХ-ийн  зүгээс хөдөлмөр эрхэлдэг хүүхдүүдэд хувцас тараана мөн эмнэлэгийн үйлчилгээнд хамруулна.
•    Мөн 6-р сарын 10 нд 15 цагаас НЗДТГ-ын байранд худалдааны зах дээр хөдөлмөр эрхэлдэг хүүхдүүдийн нөхцөл байдалын талаар хөдөлмөрийн байцаагчидад зориулан мэдээлэл хийнэ.  
•    6-р сарын 11 нд 11 цагаас Хүүхдийн хөдөлмөрийн эсрэг үйл ажиллагааны туршлага солилцох уулзалтыг өнгөрсөн жилүүдэд хамтран ажилласан худалдааны захуудын ажилтанууд болон бусад төрийн болон төрийн бус байгууллагын дунд зохион байгуулах гэж байна. 
•    6-р сарын 12 ны өдөр 11 цагаас СБД-ийн 13-р хорооны байран дээр тус хорооны хөдөлмөр эрхэлдэг хүүхдүүд болон тэдний эцэг эхчүүдтэй уулзалт зохион байгуулна.Уг уулзалт нь тэдгээр хүүхдүүдэд болон тэдний ар гэрийхэнд хүүхдийн хөдөлмөрийн талаар тэдний ойлголтыг нэмэгдүүлэх мөн байгууллагынхаа үйл ажиллагааг суртачилах, тэдэнд шаардлагатай үйлчилгээг санал болгох зорилготой юм.